Eco-Mindfulness
- Khaing Mon Nwe
- Mar 14
- 1 min read
"Eco-mindfulness" သဘာဝအခြေပြု သတိကပ်ခြင်းဆိုတာ
"Mindfulness" သတိကပ်နေထိုင်ခြင်း နဲ့
တူညီသော အကျိုးကျေးဇူးတွေ ရှိရုံသာမက
ပိုသာလွန်သော ထူးခြားချက်လေးတွေလည်း ရှိနေပါတယ်။
Eco-Mindfulness မှာ Mindfulness ရဲ့ အကျိုးကျေးဇူးတွေဖြစ်တဲ့
🧿 စိတ်ဖိစီးမှု လျော့ကျခြင်း၊
🧿 စိုးရိမ်ပူပန်မှုများကို လျော့ကျစေခြင်း၊
🧿 မိမိကိုယ်ကို ပိုမိုသိမြင်လာခြင်း၊
🧿 အာရုံစူးစိုက်မှု ကောင်းမွန်ခြင်း၊
🧿 စိတ်ခံစားချက်များကို ကောင်းစွာကိုင်တွယ်ဖြေရှင်းနိုင်ခြင်းတို့ကို
ရရှိရုံသာမက
🌿 မိမိနှင့် ပြင်ပကမ္ဘာကြီးဟာ သတ်သတ်စီမဟုတ်ဘူး ဆိုတာသိမြင်လာတယ်။
🌿 မိမိကိုယ်ကို တစ်ဦးတည်းဟု မခံစားရဘဲ ကမ္ဘာမြေနှင့် သက်ရှိလောကကြီး၏ အစိတ်အပိုင်းတစ်ခုအဖြစ် ခံစားရစေတယ်။
🌿 အထီးကျန်မှုကို လျော့ကျစေတယ်။
🌿 သဘာဝရဲ့ ကျေးငှက်လေးတွေ တိရစ္ဆာန်လေးတွေကို ပိုမိုချစ်တတ်လာမယ်။
🌿 သဘာဝတရား၏ အလှတရားနှင့် အဖိုးတန်မှုကို မြင်လာရသဖြင့် သဘာဝပတ်ဝန်းကျင်ကို ပိုမိုချစ်ခင် မြတ်နိုးလာသောကြောင့် နူးညံ့မှုကြင်နာမှုတွေ အလိုလိုဖြစ်ပေါ်လာတယ်။
🌿 စာနာနားလည်မှု ပိုမိုအားကောင်းလာပါတယ်။
🌿 သဘာဝလေကောင်းလေသန့်နှင့် စိမ်းလန်းစိုပြေမှုကို ခံစားရခြင်းကြောင့် ရုပ်ပိုင်းဆိုင်ရာ ပြန်လည်လန်းဆန်းခြင်း၊ သွေးခုန်နှုန်းကိုထိန်းညှိပေးခြင်း နှင့် ကိုယ်ခံအားစနစ် တိုးတက်ခြင်းတို့ကို ရရှိစေသည်။
🌿 ရာသီဥတုပြောင်းလဲမှု သို့မဟုတ် သဘာဝဘေးဒဏ်ကို ကြောက်ရွံ့စိုးရိမ်မှု "Eco-Anxiety" ကိုလည်း သဘာဝက ပြန်ကုစားပေးနိုင်ပါတယ်။ သဘာဝတရားနှင့် တသားတည်းနေထိုင်ခြင်းဖြင့် ငြိမ်းချမ်းစေပြီး သဘာဝကို ယုံကြည်ချစ်ခင်မှုတွေ ပြန်ရရှိလာမှာပါ။
Mindfulness မှာ အမြဲပြုလုပ်နေကြ 5, 4, 3, 2, 1 Grounding Exercise ကို
သဘာဝထဲမှာ လုပ်ကြည့်ရင် ဘာပိုထူးပါသလဲ စမ်းသပ်ကြည့်ရအောင်။
သဘာဝရင်ခွင်ထဲမှာ အာရုံငါးပါးနှင့် စိတ်အပန်းဖြေခြင်းပြုလုပ်ကြည့်ပါ။
🐞မြင်တွေ့ရသော အပြစ်ကင်းတဲ့ သဘာဝအလှအပတွေ၊ သစ်ပင်သစ်တောများ၊ အရောင်အသွေးစုံလင်သော ပန်းမာန်များနှင့် ကောင်းကင်ပြာထက်က နေရောင်ခြည်နွေးနွေး၊ရသဘာဝကျေးငှက်တိရစ္ဆာန်လေးများကို စိတ်ဝင်တစား စူးစမ်းစောင့်ကြည့်ပါ။
🍃သစ်ရွက်များ၊ ပန်းများ၊ သစ်ပင်များ၏ အခေါက်၊ မြက်ခင်းပြင်၏ နုညံ့မှုနှင့် မြေကြီး၏ အထိအတွေ့ကို ခံစားကြည့်ပါ။
🐝သဘာဝထဲက ငှက်ကလေးများ၏ တေးဆိုသံ၊ စမ်းရေစီးသံနှင့် လေတိုးသံ စသည်တို့ကို အာရုံစိုက်နားထောင်ကြည့်ပါ။
🌺ပန်းရနံ့များ၊ သစ်တော၏ လတ်ဆတ်သော လေရနံ့၊ ကန်ရေပြင်ကိုဖြတ်တိုက်လာသော လေရနဲ့၊ မြေကြီးရနံ့တို့ကို ရှူရှိုက်အာရုံခံစားကြည့်ပါ။
🍋သဘာဝအသီအနှံတခုခုကို အလောတကြီး မဟုတ်ဘဲ တစ်လုတ်ချင်း အရသာခံ စားသုံးကြည့်ပါ။
သဘာဝတရားဟာ သင့်ရဲ့ စိတ်ကို ကြည်လင်လန်းဆန်းစေတဲ့ အကောင်းဆုံး ကုထုံးပါပဲ။
Nature ကြောင့်ပဲ Healing ဖြစ်ပေါ်စေပါတယ်။
သဘာဝတရားထဲမှာ 5, 4, 3, 2, 1 နဲ့ နစ်မြုပ်ပျော်ဝင်စေပြီး အေးချမ်းစွာဖြင့်
ခွန်အားပြန်လည်ဖြည့်လိုက်ကြပါစို့။
Comments